ONTMOET ONS JUFFROUENS
Juffrou Martha bied met groot deernis die nodige ondersteuning aan ouers en personeel. Sy hou ons span onderwysers gemotiveerd en maak seker dat geen kleuterlyfie ooit ‘n slegte dag beleef nie. Met haar positiewe geaardheid sien sy graag die koppie as halfvol. Sy was van dag een af intens betrokke by die droom en die bou van Gogga Kleuterskool.
Haar kwalifikasies sluit in ‘n B Prim-Ed (Unisa). Sy het meer as 19 jaar ervaring om met kinders te werk.
Sy is ons rustige, geliefde babaklas juffrou en skep met soveel deernis ‘n veilige plek vir al ons baba Gogga-lyfies. Sy glo daarin om hard te werk en om drome waar te maak. Kinders is haar passie – sy vervul beslis ‘n unieke rol by ons kleuterskool.
Juffrou Marlé het 6 jaar ondervinding in onderwys en het vlak 5 in Vroeë Kinderontwikkeling. Sy is tans besig met studies in Kinder- en Traumaberading asook Spelterapie.
Sy het ‘n passie vir kinders en koester elke kind se fisiese, opvoedkundige, emosionele, en sosiale ontwikkeling. Sy deins nie terug vir ‘n uitdaging nie en beïndruk beslis met haar vaardighede wat betref die skoolkurrikulum.
Haar kwalifikasies sluit in ‘n BA Honns en ‘n nagraadse kwalifikasie in Onderwys (UP). Sy studeer tans verder in Vroeë Kinderontwikkeling.
Sy is passievol oor ons klein Gogga-lyfies en geniet dit om te sien hoe elkeen teen hul eie pas groei en ontwikkel. Saam met haar liefde vir kinders, loop haar hart oor van deernis en geduld.
Haar sagte, maar ferm geaardheid maak haar die perfekte juffrou vir ons Bytjie klas.
Juffrou Bets het 13 jaar ondervinding om met kinders te werk en sy is tans besig met ‘n vlak 4 Vroeë Kinderontwikkeling kursus.
Sy gebruik haar wye reeks vaardighede op ‘n kreatiewe manier om leiding te neem met ons skool se kurrikulum.
Die Vuurvliegie-maats hang daagliks aan haar lippe, want sy besit die vermoë om haar lesse op ‘n unieke wyse prakties en innoverend oor te dra.
Sy het 5 jaar ondervinding om met kinders te werk.
Haar kwalifikasies sluit in ‘n graad in Grondslagfase Onderwys (UP).
Sy geniet dit om elke kleinding se persoonlikheid te help ontwikkel en om hulle skool-mamma te wees. Haar twee eie kinders is ook deel van Gogga Kleuterskool en baie gelukkig by ons.
Jufrrou Mika het 7 jaar ondervinding om met kinders te werk. Haar kwalifikasies sluit in ‘n graad in Sielkunde asook ‘n graad in Onderwys (insluitend Remediërend) – ‘n groot aanwins vir ons skool.
Sy het 13 jaar ondervinding as naskoolassistent en universiteitsdosent. Haar kwalifasies sluit in: BA Honns, ‘n Nasionale Onderwysdiploma en ‘n Diploma in Taal- en Teksversorging.